اسكريبت بقلم يارا أمجد

أنت رايحة فين
كنت داخلة البلكونة لقيت إيد بتمنعني من الحركة وصوت مألوف عليا بيسألني بصيت ورايا لقيته عمر.
داخلة البلكونة.
والله! ودا إزاي يعني
لقيته بيشاور على النقاب اللي مرفوع فضلت واقفة ثواني استوعب الموقف لمست وشي لقيته مكشوف اتنهدت بضيق وحزن ووصلة من اللوم لنفسي إزاي كنت هطلع ووشي مكشوف كدا عيوني بدأت تدمع فكرة إن حد شافني دي مش مقبولة عندي بصيت في الأرض وملامح الزعل مرسومة على وشي وفجأة لقيته محاوطني بهدوء نزل النقاب على وشي ودخلني وبكل هدوء اتكلم وقال
متقلقيش محدش شافك إهدي وماتعيطيش.
أنا أسفة والله مأخدتش بالي خالص.
عارف ولأجل كدا لحقتك قبل ما تدخلي.
أنا أصلا غبية إزاي مأخدتش بالي من شيء زي دا كله منك أنت أنت السبب.
بص ليا بذهول من كلامي وقال
أنا السبب!!
أيوا أنت بسببك كنت هطلع من غير ما أنزل النقاب على وشي ما هو لو حضرتك كنت طلعت من الأوضة وبصيت ليا حتى ماكنتش هجري بسرعة عشان ألحق اصالحك بس خلاص أنت اللي المفروض تصالحني ودلوقت حالا.
يا شيخة! ودا اللي هو إزاي يعني
هو كدا صالحني يلا.
يا صبر! ماشي متزعليش.

هو إيه متزعليش دي بقولك صالحني.
أيوا يعني عايزة إيه
فيه أوردر كتب جاي كمان شوية حاسب عليه.
مش لسه محاسب على أوردر الأسبوع اللي فات
طب أعمل إيه بابا من وقت ما إتجوزتك وهو بيقولي روحي لجوزك خدي منه.
ايوا يعني جوزك دا وارث 
صدق صح عمك اللي هو أبويا يعني ماداش ليك ورث روح خده منه ولا أقولك إرفع عليه قضية.
أنت متأكدة إنه والدك وكدا
الحق عليا بدور على حقك
يا شيخة!
أه والله.
ضحك بهدوء وبص لقدام وأنا الكلام عندي خلص! مش عارفة أبدأ أو متعودش ابدأ بالكلام! طول عمري بدخل في الكلام بس إني أبدأ مجربتش بصيت له لقيته شارد بصيتله بهدوء وإتكلمت وأنا مش مرتبة ولا كلمة.
أنا أسفة مكنش ينفع أعلي صوتي عليك ولا أتنرفز عليك بس أنا والله كنت محتاجة السفارية دي أوي وصحابي كانوا جايبين أزواجهم معاهم وأنا كنت حابة إنك تتعرف عليهم وتبقوا صحاب زي أنا والبنات.
شبه ابتسامة اترسمت على ملامحه بصلي بهدوء وعيونه فيها لمعة لطيفة.
متتأسفيش أنا اللي مكنش عندي طاقة للكلام وقتها وكسرت بخاطرك أنا أسف.
مالك يا عمر! بقالك يومين مش في أحسن حال دايما سرحان ومش منتبه لأي حاجة بتحصل حواليك.
شويه ضغوطات يا حبيبي وبإذن الله هتنتهي قريب.
سمعاك.
اتنهد بضيق وقال
الشغل مش أفضل حاجة الفترة دي الشركة بتصفي العمال وبتقطع عيشهم بمقابل مادي بسيط مايكفيش 6 شهور حتى! وبدأت من يومين تصفي المديرين والمشرفين والشغل بقى مضاعف عليا بقيت بشتغل بمقام اتنين مجهودي زاد وعدد الساعات كمان وبنفس الأجر وكمان رافضين الأجازة بتاعت الفرح الشغل بقى بيهلكني بدنيا ونفسيا.
المكان اللي طاقتك بتستنفذ فيه يا عمر